Pyt van der Zee priis
De Pyt van der Zee priis is in provinsjale priis foar it brede Fryske toaniel. De provinsje Fryslân rikt de Pyt van der Zee priis út oan in persoan, groep of organisaasjes dy’t fan bûtengewoane betsjutting foar it toaniel yn Fryslân west hat. Ûnder oare dekôrûntwerpers, regisseurs, oersetters, skriuwers en ferienings komme foar de priis yn ‘e beneaming.
Proseduere en priis
De priis wurdt ienris yn ‘e trije jier útrikt en bestiet út in bedrach fan € 4.000.
De priis is ferneamd nei de toanielregisseur Pieter Johannes Cornelis van der Zee (1915 - 1998). Pyt van der Zee wie net allinne regisseur. Hy joech les oer toaniel en makke oersettings. Ek wie hy de earste artistyk lieder fan it Fryske teäterselskip Tryater.
Advyskommisje Pyt van der Zee priis
De advyskommisje advisearret Deputearre Steaten oer it takennen fan de Pyt van der Zee priis. De advyskommisje bestie yn it jier 2025 út:
- Titia Huisman
- Wybo Smids
- Luuk Eisema
Winnaars Pyt van der Zee prijs
Jier | Priiswinner | Bydrage |
|---|---|---|
| 2025 | Stifting Kom Mar Op! út Suwâld | Bydrage oan it Fryske amateurtoaniel. |
| 2022 | Wybo Smids | Unmisbere skeakel yn tal fan teaterproduksjes. |
| 2017 | Berne Iepenloftspul (BIS) Easterwierrum | Talintûntwikkeling fan bern stimulearje. |
| 2015 | Bouke Oldenhof | Tema: De betsjutting fan it amateurtoaniel foar de leefberens yn stêd en doarp. |
| 2010 | Jan Arendz te Wytgaard | Ambassadeurskip foar it toaniel. |
| 2007 | Theatergroep SULT | Ferrassende, útdaagjende repertoirekar en foarmjouwing op in goed artistyk nivo en dêrneist de fitalisearjende ynfloed op it teäterklimaat yn de Súdwesthoeke. |
| 2004 | Anny Veenstra | Foar de konstante hege kwaliteit fan har regywurk yn de ôfrûne jierren. |
| 2001 | Stichting Jeugdtheaterschool | Ien fan de pylders ûnder de takomst fan it Fryske amateurtoaniel. |